امارات لوٹو (Emirates lotto) سے انعام حاصل کرنے کا حکم:

بصورتِ مسئولہ کارڈ بنا کر فروخت کرنا لاٹری کو عروج دینے کی وجہ سے ہے، تاکہ انعام کی لالچ میں زیادہ سے زیادہ لوگ شرکت کریں، پھر کارڈ خریدنے والا بھی انعام کی غرض سے کارڈ خریدتا ہے، اور ایک جانب تو رقم کی ادائیگی یقینی ہوئی اور دوسری جانب مشکوک ہے، اس کو بنگاہِ شریعت قمار کہا جاتا ہے، جو کہ نص قطعی سے حرام اور ناجائز ہے، لہٰذا اس سے بالکل اجتناب کرنا لازم اور ضروری ہے ۔
ملاحظہ ہو قرآنِ کریم میں ہے:

قال الله تعالى: ﴿إنما الخمر والميسر والأنصاب والأزلام رجس من عمل الشيطان فاجتنبوه، لعلكم تفلحون﴾ [المائدة: ۹۰]،
قال في تفسير السعدي: وأما الميسر فهو كل المغالبات التي يكون فيها عوض من الطرفين. (ص ۹۸، ط: الرسالة).
وأخرج الإمام أحمد في مسنده عن عبد الله بن عمرو رضي الله عنه، قال: قال رسول الله ﷺ: إن الله حرم على أمتي الخمر والميسر. (مسند أحمد، رقم: ٦۵٤۷).
قال في قواعد الفقه: القمار: مصدر قامر، هو كل لعب يشترط فيه غالباً أن يأخذ الغالب شيئاً من المغلوب وأصله أن يأخذ الواحد من صاحبه شيئاً فشيئاً في اللعب ثم عرفوه بأنه تعليق الملك على الخطر والمال في الجانبين. (قواعد الفقه، ص ٤۳٤).
وقال في تبيين الحقائق: وسمي القمار قماراً لأن كل واحد من المقامرين ممن يجوز أن يذهب ماله إلى صاحبه، ويجوز أن يستفيد مال صاحبه فيجوز الازدياد والانتقاص في كل واحد منهما فصار قماراً. (تبيين الحقائق: ٦/۲۲۷، إمداديه).

مفتی تقی صاحب فرماتے ہیں:
غرر کی ایک صورت جس کو فقہاء کرام نے تعلیق الملک علی الخطر، سے تعبیر فرمایا ہے کہ عقود معاوضہ میں تملیک کوکسی خطرہ پر معلق کرنا اسی کا ایک شعبہ قمار ہے، قمار یعنی جوا یا میسر اس میں ایک طرف سے تو ادائیگی یقینی ہو اور دوسری طرف سے ادائیگی موہوم ہو تو جتنی بھی لاٹریاں ہمارے زمانے میں مشہور ہیں یہ قمار ہے، تعلیق الملک علی الخطر، ہے اور غرر کا ایک شعبہ ہے جو حرام ہے ۔ (اسلام اور جدید معاشی مسائل: ٤/۷٦، ادارۂ اسلامیات) ۔ مزید ملاحظہ ہو : (فتاوی دار العلوم زکریا، جلدِ پنجم) ۔
واللہ سبحانہ و تعالی اعلم